一歲生日會

靚靚全家福

終於有一張似樣的全家福了!
你知唔知個背景係邊度? 就係我地屋企的露台了! 係Daddy的主意, 要買翻張sticker貼上露台的半度牆. 係咪好似去左幼稚園呢?
講翻呢張全家福, 自拍架, 所以都要影左10次8次先影到呢張, 點解? 因為要本甘咁橋望住鏡頭先至靚仔嘛!

我已經四個月大了!

原來一眨眼間, 本甘已經四個月大了! 福建人的習俗, BB四個月大 (舊曆計), 又有餐飯食. 當日, 麻麻就煮左一頓十分豐富(12道好送)的晚餐, 我們一起慶祝本甘四個月生日.
最開心應該係爺爺, 伯爺, 叔公同埋舅公佢地, 因為又有個藉口比佢地飲酒, 吹水, 搞到十點多才走.

三個BB大比拼

本甘好開心! (應該係媽咪開心D至真) 因為有兩個BB同我差不多時間出世! 佢地就係彥楠 (圖中最左邊, 五月廿五日出世) , 同埋昊霖 (圖中間, 五月廿九日出世) . 真係橋嘞, 我出世後4日一個, 再4日又一個...哈哈哈...三個BB來說, 本甘最奀, 彥楠最朱古力, 昊霖最重磅; 本甘懶瞓豬, 彥楠大食, 昊霖鍾意傻笑. 呢張相係我們三個第一次見面係昊霖屋企影的.
佢地媽咪都係我媽咪的中學同學, 所以媽咪好開心, 可以同佢兩個friends傾湊仔經.由大肚個陣開始, 已經好多計傾. 記得三個媽咪一齊大住肚去Joanne Auntie的婚禮嗎? (仲有Janita Auntie添啊!) 不過最緊要都係BB出世之後, 大家可以講下update, 例如BB食多少奶奶, 打針後有無發燒, 成長過程的轉變...等, 什麼也可以交流.
媽咪話: 今年係babyboom, weekend 出街, 週街都係BB, 小孩或大肚婆. 唔知係米因為沙士過後, 雞年過左, 大家開始生BB呢? Daddy成日話, 本甘面對的競爭非常大. 要策略性留班先得啦! 唔係嘩? 可唔可以策略性跳班啊?

第一次打針針(兩個月大)

本甘搬去大圍後, 我們就告別將軍澳寶寧路健康院, 移師去瀝源健康院. 第一次去呢間健康院, 就要打針針啦!

初扺步, 覺得舊左少少, 人不算太多, 等了不久就去磅重同度高, 4.55kg, 身長55cm, (本甘身長第一次度唔合格, 得54cm, 要度多一次, 本甘拉長D對腳, 先至夠55cm剛剛合格). 之後就入去見姑娘. 呢個姑娘口花花, 讚完本甘靚仔, 又話佢似Daddy, 攪到Daddy鬼咁開心, 好彩, 佢都有讚媽咪湊本甘湊得好, hahaha...

同姑娘吹完水, 就去打針針, "Ah", 姑娘見佢開大口, 即刻比小兒麻痺劑佢食, 本甘喊左兩聲就無喊了. (但係媽咪都係驚到唔敢入去打針房, 呢D都係Daddy後來話翻比媽咪知.)

打完針針返屋企, 犀利羅! 下午三點多開始, 本甘就喊得好厲害, 又唔多肯食奶. 你知啦, 本甘平時都唔多喊, 佢喊起上來, 都得人驚架! 嘩, 每次佢食奶奶前, 又要量體温, 又要灌佢飲panedol水水, 最高燒到38.1度架.

好彩! 第二日下午開始就無事了. Patrick uncle來探我們. 睇下, 呢副相就係本甘發完燒之後影, 仲識笑添!



媽咪後話: 今次去健康院, 好似去攞成績表咁樣, 身高, 體重, 頭圍, 樣樣都有標準; BB食多少奶奶, 去多少次大便, 都好緊張. 好彩今次樣樣都達標, 我們都好開心. 不過, 明知道BB發燒係打針的正常反應, 都會好擔心, 始終BB都唔識得講佢有什麼唔舒服, 都要靠估羅!

新居-下徑口村16號1/F

因為方便麻麻照顧本甘, 我們就由以前將軍澳東港城搬了去大圍下徑口村16號一樓 (即係中間個層). 貪佢近麻麻爺爺顯徑村屋企, 步行5分鐘就到. 之前, 找地方搬都有段故...話說, 媽咪第一天放產假 (即5月15日) 返麻麻家吃晚反前, 順便去附近地產看看有無單位出租, 就睇中呢度. 跟住叫Daddy即晚睇樓, 第二天就同業主簽約, 落實租呢度了! 咁Q媽咪第四天放產假就入醫院, 星期日我就出世了! 好彩咁Q找到, otherwise, 出世後便無時間找屋搬.

呢度地方700呎, 七千蚊租, 三房有露台, 實用率高, 但樓底較低, 裝修ok啦. 選擇呢度, 除了因為同麻麻爺爺屋企只有0.5距離之外, 地方又夠大, 間隔市正, 叫uncles aunties來visit 都夠位. 初時, 媽咪聽到要住村屋, 都會驚有狗, 有蚊, 有蛇蟲鼠蟻之類, 但係住落, 原來D蚊蚊只係鍾意咬媽咪, 唔會咬本甘; 隔離D狗狗只係間唔中吠下, 唔係好嘈; 又唔多見有蟲鼠之類的物體出現... 反而, 而家個露台夠大, 可以洗完D bb衫即刻哂乾, 好過係將軍澳個邊咁潮濕.

媽咪話, 歡迎各方好友來我們屋企探訪參觀. 下面係地圖及交通路線選擇:

巴士選擇:
1. 九龍塘地鐵站乘88M號巴士往下徑口村站下車
2. 九龍灣地鐵站乘80號巴士往下徑口村站下車
3. 大圍火車站乘88K號巴士往下徑口村站下車
4. 美乎乘46X號巴士往下徑口村站下車
5. 九龍城乘85B號巴士往下徑口村站下車

綠色小巴選擇:
6. 大圍火車站乘803K號綠色小巴往顯徑村下車
7. 沙田第一城乘804號綠色小巴往下徑口村下車 (港島人士可先乘680或682號巴士往第一城轉乘此綠色小巴)
8. 廣源乘803號綠色小巴往下徑口村下車 (港島人士可先乘680或682號巴士往滨景花園轉乘此綠色小巴)

地圖一:較大畫面 (紅點是吾家)



地圖二: 泊車或落巴士後步行路線圖

滿月酒

唔講你唔知, 原來擺滿月酒呢樣野, 唔係個個都有架! hehehe...本甘就型仔D, 係舊曆年滿月個日 (即舊曆五月廿四), 係牛頭角創紀之城好彩海鮮酒家 "滿月廳" 擺滿月酒了!
等媽咪數下有邊個來左先...(用本甘的稱呼，有D難度架!)
呂家: Daddy, 媽咪, 爺爺, 麻麻, 大伯父, 大伯娘, 雋雋哥哥, 二伯父, 二伯娘, 四叔, 四嬏; 伯爺, 堂伯父(培樂), 堂伯娘, 吉祥哥哥, 信儐哥哥, 堂叔公, 堂伯父(培堅), 堂姑姐(淑薈), 舅公，舅婆，表叔(嘉杰).
龔家:　公公, 婆婆, 姨婆(杏芬), 姨公, 叔公(偉豪), 叔婆, 表舅父(穎恒); 羅家: 太公, 太婆, 舅公(俊明), 姨婆(婉薇), 表姨媽, 表姨丈, 舅公(俊超), 表姨(Sharon), 姨婆(婉儀), 姨婆(婉琴).

當晚影左好多相, 不能盡錄, 在此多謝表姨丈 Tommy, 同埋二伯父及堂伯父 (培堅) 當攝影師! 為左同本甘平反, 唔把親友相post出來, 就post本甘當晚的其中一張沙龍啦!


你地個個當我道具咁樣抱來抱去影相,
今晚我先係主角喎! (設計對白)