呂本甘的由來

你好! 我係呂本甘!
我個名是Daddy改. "本" 字是根據家族的字輩. 所以, Daddy都係改一個字咋! "甘" 代表美好, 甘甜的意思. "本" 亦有origin的意思. "本甘" 即係有一個美好家庭的的意思.
講開又講, 本甘, 本甘, 讀起上來與 "本金" 同音, 即係principal & interest個 "本金" (我仲未識呢D，係Daddy講給我聽的）. Daddy話, 佢自己個名叫培正, 培正中/小學, 培正道的 "培正" ，同樣容易令人記得，認識新朋友時又有talking point, 佢覺得咁樣好好，所以專登起呢個名給我.
原來, 仲有得講... "甘" 字是由 "廿" 字及 "一" 字組成的, 剛巧我又5月21日出世. (個 "本" 字仲係5筆添! ) 真係match哂!

媽咪後話：其實改名都好講學問，之前同Daddy相量時，都有想過究竟我們改名有什麼原則呢？筆劃少，字形要左右對稱，比較概念化 （conceptual) 的字，呢三樣係基本要求。
有人改名根五行 （金木水火土），有人改名紀念bb出世當日所見的事物，我們就無特別計算這些，所謂廿一 = 甘，都係後來朋友講開先覺。今次呢個呂本甘，純粹係Daddy自己想出來，通過媽咪同埋爺爺approval的結果。希望bb有個美好人生！